بلاشبہ جس نے آپ ﷺ کو پہلے نہ دیکھا ہوتا وہ آپ ﷺ کو دیکھ کر ہیبت زدہ، ترسیدہ ہو جاتا تھا۔
ایک مرد حضور ﷺ کے سامنے کھڑا ہوا تو وہ لرزنے لگا، آپ ﷺ نے فرمایا: اطمینان رکھ میں بادشاہ ( یا فرشتہ) نہیں ہوں۔
مستند حوالہ: الشفا بتعریف حقوق المصطفیٰ ﷺ، ابوالفضل قاضی عیاض مالکی اندلسی رحمۃ اللہ علیہ۔
👇 کمنٹ میں انتہائی ادب سے [سبحان اللہ] لکھیں اور فالو کریں!
آٹھویں فصل | ضروریات زندگی کی دوسری قسم (حصہ 7)
لیکن اس کی آفتیں بہت ہیں، پس وہ بعض لوگوں کے لیے آخرت کے فائدہ کے لحاظ سے مضر ہے، اسی وجہ سے بعض نے اس کی مذمت کی ہے اور اس کو برا کہا ہے اور اس کی ضد (برعکس خلاف) کی مدح کی ہے۔ اور شریعت میں گمنامی کی مدح اور زمین پر اترانے کی مذمت آئی ہے، حضور ﷺ کو اللہ عزوجل نے وہ مرتبہ عنایت فرمایا تھا کہ زمانہ جاہلیت میں یعنی قبل اظہار نبوت اور بعد اظہار نبوت لوگوں کے دلوں میں آپ ﷺ کی بڑی عظمت و ہیبت تھی ،
حالانکہ کفار مکہ آپ ﷺ کو جھٹلاتے اور آپ ﷺ کے صحابہ کرام رضوان اللہ علیہم اجمعین کو ایذائیں پہنچاتے اور خود حضورﷺکو طرح طرح کی تکلیفیں دیتے تھے۔مگر جب حضورﷺ کے سامنے حاضر ہوتے تو آپ ﷺ کی تعظیم کرتے اور حضور ﷺ کی ضرورتوں کو پورا کرتے تھے،اس بارے میں بکثرت خبریں مشہور ہیں ،عنقریب بعض حدیثیں آنے والی ہیں۔
بلاشبہ جس نے آپ ﷺ کو پہلے نہ دیکھا ہوتا وہ آپ ﷺ کو دیکھ کر ہیبت زدہ، ترسیدہ ہو جاتا تھا، جیسا کہ قیلہ نامی عورت سے مروی ہے کہ جب اس نے حضورﷺ کو دیکھا تو وہ لرزہ براندام ہوگئی، آپ ﷺ نے فرمایا: اے مسکین عورت تو تسلی رکھ۔
(سنن ابوداؤد ج ۵ ص ۱۷۶، شمائل ترمذی ص ۱۱۸، طبقات ابن سعد)
حضرت ابومسعود رضی اللہ عنہ کی حدیث میں ہے کہ ایک مردحضورﷺ کے سامنے کھڑا ہوا تو وہ لرزنے لگا، آپ ﷺ نے فرمایا: اطمینان رکھ میں بادشاہ ( یا فرشتہ) نہیں ہوں۔ (دلائل النبوہ للبیہقی ج ۵ ص۶۹)
لیکن نبوت و شرافت ، منزلت و رسالت اور اصطفا ذکر امت میں جو آپ ﷺ کا عظیم مرتبہ دنیا میں ہے وہ تو بہت ارفع و اعلی ہے، پھر آخرت میں تو آپ ﷺ اولاد آدم علیہ السلام کے سردار ہیں، اس فصل کے معنی و مطلب کے لیے تو ہم نے اس تمام قسم کو تحریر کیا ہے۔
کتاب کا مکمل نام: الشفا بتعریف حقوق المصطفیٰ ﷺ
مختصر نام: الشفا شریف
مصنف: ابوالفضل قاضی عیاض مالکی اندلسی رحمۃ اللہ علیہ
مترجم: حضرت سید مفتی غلام معین الدین نعیمی رحمۃ اللہ علیہ
#ProphetMuhammad
#SeeratUnNabi
#Islam
#Seerah
#TGG
#Shorts
#IslamicShorts
#Seerah
#AshShifa
#ThinkGoodGreen
